Croeso i Castell-nedd Port Talbot

• Hafan
• Trigolion
• Busnes
• Ymwelwyr

Chwilio

• A
• B
• C
• Ch
• D
• Dd
• E
• F
• Ff
• G
• Ng
• H
• I
• J
• L
• Ll
• M
• N
• O
• P
• Ph
• R
• Rh
• S
• T
• Th
• U
• W
• Y

Cynllun Achredu Tai Preifat ar Rent »

• Cyflwyniad
• Llythyr
• Requirements of the PRHAS
• Ffurflen Gais, Rhestr Wirio, D
• Ffurflen Gais am Restr Lety
• Companies Supporting PRHAS
• Cysylltiadau
•  

Cynllun Achredu Tai Preifat ar Rent

• Cyflwyniad
• Beth yw nodau'r cynllun achredu?
• Beth yw'r manteision ar gyfer y landlordiaid?
• Beth yw'r manteision ar gyfer y tenantiaid?
• Sut mae achredu'n gweithio?
• Am faint o amser y bydd y statws Achredu'n para?
• Beth yw cost ymuno â'r cynllun achredu?
• Sut gall tenant wirio bod landlord ac eiddo wedi cael eu hachredu?

Cyflwyniad

Mae cynllun achredu tai preifat ar rent yn fenter newydd gan GBS Castell-nedd Port Talbot a fydd yn cydnabod y tai yn y sector rhentu preifat sy'n cael eu cynnal a'u cadw'n dda.

Cyflwynir y cynllun er mwyn gwella ansawdd tai preifat ar rent ledled y Fwrdeistref Sirol.

Ceir nifer o fanteision i landlordiaid sy'n ymuno â'n cynllun fel mynediad i nwyddau a gwasanaeth rhatach gan gynnwys yswiriant adeiladau. Bydd landlordiaid eiddo achrededig hefyd yn hyderus bod eu heiddo'n bodloni ein safonau a byddant yn gallu hysbysebu'r ffaith honno.

Bydd y cynllun yn galluogi tenantiaid arfaethedig i nodi cartrefi o ansawdd da a fydd yn darparu llety parchus a diogel.

Bydd pob eiddo'n cael eu hachredu'n unigol ac ni fydd unrhyw gyfyngiad ar landlordiaid sy'n berchen ar rai eiddo achrededig a rhai heb eu hachredu. I fod yn rhan o'r cynllun eiddo, bydd disgwyl i chi gydymffurfio ag ystod o safonau sy'n cynnwys pethau fel diogelwch nwy a thrydan, cynnal a chadw cyffredinol, rhagofalon tân etc.

Mae'r cynllun yn un gwirfoddol, mae'r aelodaeth yn rhad ac am ddim ac mae'r Cyngor yn ymrwymedig i'ch cynorthwyo i fod yn landlord neu'n asiant rheoli eiddo achrededig.

Beth yw nodau'r cynllun achredu?

Nodau'r cynllun yw:

• Annog a chefnogi landlordiaid i ddarparu llety ar rent o ansawdd da.
• Cydnabod landlordiaid y mae eu heiddo'n cyrraedd y safon achredu.
• Galluogi tenantiaid i wneud dewis synhwyrol wrth ddewis llety ar rent. 
• Gweithio gyda landlordiaid er mwyn gwella safon cyffredinol llety preifat ar rent ym Mwrdeistref Sirol Castell-nedd Port Talbot. 
• Gweithio mewn partneriaeth gydag asiantaethau eraill a chwmnïau lleol.

Beth yw'r manteision ar gyfer y landlordiaid?

• Bydd y landlordiaid yn cael eu hadnabod am ddarparu llety o ansawdd da. 
• Byddant yn gallu hysbysebu eu heiddo gan nodi eu bod yn cyrraedd y safon achredu. 
• Byddant yn gallu gwneud cais am dystysgrif bond diogelwch. Mae hwn yn sicrhau bond neu flaen-dâl ar ran y tenant, drwy fenter a redir gan y Bwrdd Bond Dewis. 
• Bydd y cyngor yn hysbysebu'r eiddo ar y rhestr llety preifat a rentir. 
• Bydd y landlordiaid yn derbyn tystysgrif achredu y gallant ei harddangos yn eu heiddo. 
• Byddant yn gymwys am ostyngiadau trwy drafodaeth gyda chwmnïau lleol sy'n darparu nwyddau a gwasanaethau a fydd yn eu cynorthwyo i gyrraedd y safon. 
• Bydd y tenantiaid wedi cytuno i ddilyn siarter, sy'n esbonio eu cyfrifoldebau.

Beth yw'r manteision ar gyfer y tenantiaid?

• Bydd y tenantiaid yn gallu gwneud dewis deallus am yr eiddo y maent yn dewis ei renti. 
• Gallant adnabod eiddo sydd wedi cyrraedd y safonau perthnasol. 
• Bydd y landlordiaid wedi cytuno i ddilyn y siarter, sy'n cynnwys darparu cytundeb tenantiaeth ysgrifenedig, a gwiriadau rheolaidd o'r cyflenwadau nwy a thrydan.

Sut mae achredu'n gweithio?

Er mwyn achredu eiddo, rhaid i'r landlord ddangos bod:

• Yr eiddo'n cwrdd â'r safonau iechyd amgylcheddol cyfredol 
• Gwasanaethau a chelfi'n cwrdd â'r gofynion diogelwch 
• Rhaid iddo/ iddi ddangos ei fod/ ei bod yn cwrdd â'r meini prawf person addas.

I gael eich achredu, caiff yr eiddo ei archwilio er mwyn cyrraedd safonau uchel y cynllun. Bydd tystysgrifau sy'n ymwneud â'r nwy ac offer perthnasol eraill wedi cael eu derbyn a'u gwirio. Bydd y landlord wedi tystio bod yr offer trydanol yn ddiogel a'r celfi'n cyrraedd y rheoliadau tân cyfredol. Bydd y landlord wedi cyrraedd y meini prawf person addas ac wedi llofnodi datganiad sy'n cadarnhau nad oes ganddo /ganddi unrhyw euogfarnau blaenorol perthnasol.

Gall y Cyngor ond sicrhau bod yr eiddo a'r landlord yn cyrraedd y safon achredu ar ddiwrnod yr achredu.

• Safon yr Eiddo

Dyma'r safon y mae'n rhaid i'r eiddo ei chyflawni er mwyn bod yn rhan o'r cynllun achredu.

• Atgyweirio

Rhaid i'r eiddo fod yn addas i bobl fyw yno gan gydymffurfio â'r safonau cyfreithiol. Rhaid i'r adeilad fod yn strwythurol ddiogel, yn sych, o ansawdd da gyda'r holl amwynderau sylfaenol.

• Rhagofalon Tân

Rhaid gosod larymau tân yn y cyntedd ac ar y landin mewn ty^ a feddiannir gan berson sengl neu deulu. Ceir gofynion ychwanegol ar gyfer tai amlbreswyliaeth sy'n cael eu rhentu. Gellir cael rhagor o wybodaeth ar y safonau hyn gan y 

• Tystysgrifau/Datganiadau

Bydd angen y tystysgrifau/ datganiadau canlynol:

1. Tystysgrif diogelwch nwy safonol sy'n cynnwys yr holl beiriannau nwy yn yr eiddo. Rhaid i hon gael ei darparu gan gontractwr Corgi cofrestredig. Noder, mae'n ofyniad cyfreithiol cael gwiriad diogelwch nwy blynyddol a rhaid i'r dystysgrif diogelwch nwy fod ar gael i bob tenant ei gweld.
2. Datganiad a arwyddwyd gan y landlord i gadarnhau bod y gosodiadau trydanol yn ddiogel. Mewn rhai achosion, efallai y bydd angen adroddiad diogelwch trydanol.
3. Datganiad a arwyddwyd gan y landlord sy'n cadarnhau bod unrhyw gelfi a ddarperir yn y denantiaeth yn cwrdd â Rheoliadau Celfi (Diogelwch Tân) 1988.

Meini prawf person addas ar gyfer landlordiaid ac asiantiaid rheoli

Bydd euogfarnau ar gyfer y troseddau canlynol a rhai tebyg yn atal cymryd rhan yn y cynllun. 

• Euogfarn am boenydio neu yrru tenant o'r ty^ o fewn y deng mlynedd diwethaf. 
• Bydd methu â chydymffurfio â'r rhybudd statudol sy'n ymwneud â safon y rheoli neu atgyweirio a arweiniodd at erlyniad llwyddiannus, neu waith diffygiol o fewn y 5 mlynedd diwethaf. 
• Euogfarn am dwyll budd-dâl tai, treth y cyngor neu nawdd cymdeithasol o fewn y deng mlynedd diwethaf. 
• Euogfarn am anufudd-dod gyda'r rhybudd gorfodaeth cynllunio i eiddo preswyl o fewn y deng mlynedd diwethaf.

Siarter y Landlord a'r Tenant

Rydym yn annog landlordiaid i ddefnyddio'r siarter fel sail i berthynas landlord a thenant da. Gellir cael copi oddi wrth yr Adran Safonau Masnach a Iechyd Amgylcheddol.

Mae'r siarter yn egluro hawliau'r landlord a'r tenant. Nid yw'n ddogfen gyfreithiol ac nid yw'n effeithio ar hawliau y naill berson dan y gyfraith.

Am faint o amser y bydd y statws Achredu'n para?

Bydd y statws achredu'n para am dair blynedd. Ar ddiwedd y cyfnod hwn, gwneir gwiriadau pellach cyn adnewyddu'r statws achrededig.

Mewn rhai achosion, gall y landlord a'r eiddo gael eu tynnu o'r cynllun. Bydd hyn yn digwydd pan fydd:

• Yr eiddo wedi gostwng o dan y Safon Eiddo (caniateir cwblhau gwaith atgyweirio os bydd yr ateb yn rhesymol), 
• Tystysgrifau neu wybodaeth yn cael eu darparu i gefnogi cais sy'n dwyllodrus neu'n anghywir. § Y landlord yn torri'r meini prawf person addas.

Os torrir y safon Achredu, bydd y Cyngor yn ysgrifennu'n ffurfiol at y landlord gan ddileu'r eiddo a rhoi rhesymau dros y penderfyniad. Bydd gan y landlord hawl i apelio.

Beth yw cost ymuno â'r cynllun achredu?

Mae'r cynllun achredu yn rhad ac am ddim ac yn wirfoddol. Efallai bydd yn rhaid i'r landlord dalu am y gwaith i'r eiddo, er mwyn i'r eiddo gwrdd â'r safon angenrheidiol. Mae Cyngor Bwrdeistref Sirol Castell-nedd Port Talbot wedi trafod gostyngiadau gyda chwmnïau lleol er mwyn cynorthwyo i leihau'r gost.

Sut gall tenant wirio bod landlord ac eiddo wedi cael eu hachredu

Cedwir cofrestr o'r holl landlordiaid ac eiddo achrededig yn Swyddfeydd y Cyngor yng Nghanolfan Ddinesig Castell-nedd ac mae ar gael i'r cyhoedd ei hastudio.

Sut gall landlord wneud cais am achrediad?

Os ydych yn landlord gallwch wneud cais am achrediad drwy gwblhau'r ffurflen gais yn y pecyn hwn. Anfonwch y cais hwn i 

Gellir cael ffurflenni cais ychwanegol o'r cyfeiriad uchod neu drwy ffonio (01639) 685678.