Gwasanaeth Gweithgarwch Corfforol a Chwaraeon (G.G.C.Ch.)
Croeso i dudalennau Gweithgarwch Corfforol a Chwaraeon
Castell-nedd Port Talbot. Yma, cewch wybodaeth am bob agwedd ar y
prosiectau sydd ar gael gennym ar hyn o bryd yng Nghastell-nedd
Port Talbot, o ennill cymhwyster addysgu mewn chwaraeon i'r
newyddion diweddaraf am y prosiectau.
Gwybodaeth G.G.C.Ch.
Mae'r Gwasanaeth Gweithgarwch Corfforol a Chwaraeon yn
ymroddedig i ddatblygu a hyrwyddo bywyd gwell i boblogaeth
Castell-nedd Port Talbot trwy fyw'n actif.
Mae sawl prosiect / menter gan y Gwasanaeth Gweithgarwch
Corfforol a Chwaraeon. Gan gydweithio mewn partneriaeth â Chyngor
Chwaraeon Cymru, Cyrff Llywodraethol Chwaraeon a Chlybiau Sector
Gwirfoddol, ein nod yw cynnig cyfleoedd i alluogi'r gymuned i fod
yn fwy actif a mwynhau ffyrdd iachach o fyw.
Mae'r Tîm G.G.C.Ch. yn gallu:
- Cynnig cyfleoedd i bawb gymryd rhan a mwynhau buddion
Gweithgarwch Corfforol a Chwaraeon beth bynnag yw ei gefndir neu ei
allu.
- Cyflwyno addysg i hyfforddwyr ac ariannu gweithdai, datblygu
cynlluniau datblygu chwaraeon a chynghori ar recriwtio a hyfforddi
gwirfoddolwyr.
Byddwn yn cyfrannu tuag at
wneud Castell-nedd Port Talbot yn lle gwych i fyw a gweithio ynddo
a'i fwynhau trwy hwyluso datblygu cyfleoedd parhaol i gymryd rhan
mewn chwaraeon a digwyddiadau hamdden a mabwysiadu ffyrdd iach o
fyw yn y Sir.
Manylion y Dudalen
Diweddarwyd: 23.02.2010 am 14:03