Teithiau Cerdded ym mhob tymor yn ardal Castell-nedd
Port Talbot
Nid yw’n syndod bod y rhan hon o Gymru yn hafan i gerddwyr. Mae
dros ddau draean o’n hardal yn gefn gwlad prydferth - o fryniau
coedwigog i ddyffrynnoedd afonydd.
Beth bynnag eich oed neu eich ffitrwydd, os ydych am dreulio awr
neu ddiwrnod cyfan yn cerdded mae gennym rywbeth i chi. O deithiau
cerdded ar hyd rhaeadrau a llwybrau tynnu, i’r promenâd glan môr a
hawliau tramwy cefn gwlad.
Y gwanwyn
Mae rheswm da dros i ni
gael ein hadnabod fel Gwlad y Sgydau. Nid oes rhaeadrau mwy
trawiadol yn unman yng Nghymru na’r rhai a geir yma yng
Nghastell-nedd Port Talbot.
A pha gyfnod gwell i archwilio’r rhaeadrau na’r gwanwyn, pan mae
glaw y gaeaf wedi chwyddo’r afonydd? Ewch am daith i Fro Nedd,
Melincwrt, Rhaeadrau Aberdulais, Glyn Cwm Du neu Nedd Fechan a’u
darganfod drosoch chi’ch hun.
Gweler un o’n prif raeadrau yng nghefn y daflen hon - Melincwrt.
Yma mae’r dwˆr yn taranu i lawr am 80 troedfedd i lawr y
dyffryn.
I gael rhestr lawn o deithiau cerdded ar hyd y rhaeadrau,
cyfeiriwch at y canllaw ‘Waterfall
Walks’ sydd ar gael gan Ganolfan Gwybodaeth i Dwristiaid
Rhaeadrau Aberdulais.
Rhybudd - Mae angen gofal apharatoi cywir cyn ac yn ystod eich
taith gerdded mewn perthynas â’r teithiau yn y daflen hon. Gwiriwch
gyda staff yn y Ganolfan Gwybodaeth i Dwristiaid neu Ganolfan
Rhaeadrau cyn mentro allan.
Yr haf
Beth am dro bach hamddenol
arhyd y promenâd ar Draeth Aberafan? Mae llwybrau cerddeda seiclo
penodedig yn cynnig golygfeydd rhagorol dros arfordir Bae
Abertawe.
Mae gan Aberafan un o draethau tywod hiraf Cymru hefyd ynogystal
â phwll chwarae dwˆr sblash a maes chwarae antur.
Mae’r promenâd a’i gyfleusterau i ymwelwyr yn ei wneud yn lle
delfrydol i bob oed i fynd am dro gydol y flwyddyn
Yr hydref
Mae Parc Fforest Afan yn lle prydferth ym mhob tymor. Ond yn yr
hydref mae’n troi’n un o dirluniau mwyaf dramatig Cymru.
Mae Parc y Fforest, a adwaenir fel ‘Y Swistir Fach’ gan bobl
leol, yn cynnig golygfeydd anhygoel dros Benrhyn Gwˆyr, Ynys Wair a
Bannau Brycheiniog.
Mae amrywiaeth o deithiau cerdded sydd wedi’u dynodi gan
arwyddion o wahanol hyd sy’n addas are gyfer pob lefel o
ffitrwydd.
Gweler ein teithiau cerdded gorau ar gyfer Parc Fforest Afan a
Glyncorrwg wedi’u rhestru yng nghefn y canllaw hwn.
Am fwy o deithiau cerdded ym Mharc Fforest Afan cysylltwch â’r
Ganolfan Ymwelwyr ar 01639
850564.
Y gaeaf
Mae’r tymhorau yn cael effaith ddramatig ar ein tirluniau yma
yng Nghastell-nedd Port Talbot. Am daith aeafol syml ar hyd llwybr
hardd, dilynwch y llwybr tynnu o Ganol Tref Pontardawe.
I gael gwybod mwy gweler manylion Taith
Cwm Du.
Manylion y Dudalen
Diweddarwyd: 08.07.2008 am 11:55