Hafan | Trigolion | Busnes | Pobl Ddieithr

Busnes a'r Economi | Yr Amgylchedd | Iechyd a Gofal Cymdeithasol | Tai | Swyddi Gwag | Dysgu | Diwylliant a Hamdden | Byw | Gwasanaethau Cynllunio & Rheoli Adeiladu | Cludiant a Strydoedd | Eich Cyngor

| Gwasanaethau Plant a Phobl Ifanc
| Mabwysiadu
| Gofal Maeth
| Tîm Anableddau Plant
| Canllaw Gwybodaeth
| Child Protection
| Protocol Asiantaethau ar y Cyd
| Taflenni Gwybodaeth
| Safeguarding Children Board

Hafan > Iechyd a Gofal Cymdeithasol > Gwasanaethau Cymdeithasol > Gwasanaethau Plant a Phobl Ifa > Canllaw Gwybodaeth

Gwasanaethau Plant a Phobl Ifanc – Canllaw Gwybodaeth

Gwasanaethau Cefnogi Teuluoedd a Phlant sy’n Derbyn Gofal

• Tîm Lleoli Cymunedol
   
  Mae’r Tîm yn recriwtio, yn hyfforddi ac yn cefnogi gofalwyr maeth i ofalu am blant rhwng eu genedigaeth a 18 oed, gan ddarparu dewis arall hyd nes y gallant ddychwelyd i’w cartrefi neu symud i ofalwyr eraill yn barhaol. Nod y tîm yw darparu ystod o leoliadau i ateb anghenion plant.
   
• Tîm Mabwysiadu
   
  Mae’r Tîm Mabwysiadu’n recriwtio, yn hyfforddi ac yn cefnogi’r bobl hynny sy’n dymuno mabwysiadu. Mae’r tîm yn gweithio i gydweddu plant y mae angen teulu arnynt â mabwysiadwyr sy’n gallu ateb yr anghenion sydd ganddynt yn sgil eu hasesu. Mae’r tîm hefyd yn rhoi cyngor i oedolion sydd wedi’u mabwysiadu sy’n ceisio gwybodaeth.
   
• Tîm Llwybr 16 (Ymadawyr Gofal)
   
  Mae’r Tîm yn gweithio gyda phlant 16+ oed sy’n derbyn gofal ac ymadawyr gofal hyd at 21 oed ac mewn rhai amgylchiadau hyd at 24 oed. Mae’r gweithwyr cymdeithasol a’r cynghorwyr pobl ifanc yn cefnogi pobl ifanc i fyw’n annibynnol, ac ymgysylltu ag addysg, cyflogaeth a hyfforddiant
   
• Tîm Ymateb Cyflym (Gwasanaethau Ataliol)
   
  Mae’r Tîm Ymateb Cyflym yn darparu cefnogaeth amserol a dwys, sydd wedi’i thargedu, i blant mewn angen rhwng 8 a 17 oed a’u teuluoedd gyda golwg ar osgoi neu leihau’r amser a dreulir mewn llety. Mae’r tîm yn cynnwys gweithwyr arbenigol o feysydd Addysg a Iechyd ac mae’n rhan o ymagwedd aml-asiantaeth yr Awdurdod tuag at gefnogi teuluoedd.
   

Asesu a Rheoli Gofal

• Tîm Asesu Plant
   
  Y Tîm Asesu Plant yw’r porth i’r gwasanaeth ar gyfer aelodau’r gymuned, plant a theuluoedd ac asiantaethau cyfeirio ac mae’n gyfrifol am bob achos cyfeirio newydd sy’n ymwneud â phlant mewn angen a’r rheiny y mae angen eu hamddiffyn (ac eithrio plant ag anabledd). Mae’r tîm yn ymdrin ag ystod eang o broblemau ac yn darparu gwasanaeth asesu a chefnogi i sicrhau bod rhieni/gofalwyr yn derbyn y gefnogaeth y mae ei hangen arnynt i ateb anghenion plant a’u hamddiffyn rhag niwed.
   
• Tîm Cefnogi Teuluoedd
   
  Mae’r Tîm Cefnogi Teuluoedd yn cynnig cefnogaeth, cyngor a gwasanaethau i Blant mewn Angen a Phlant y mae Angen eu Hamddiffyn, er mwyn iddynt gyrraedd eu llawn botensial. Yn rhan o dîm mwy, maent yn ymrwymedig i sicrhau bod plant yn cael y cychwyn gorau posibl, drwy gydol eu plentyndod.
   
• Tîm Gwasanaethau Plant Anabl
   
  Mae’r Tîm Gofal Plant (ag Anableddau) yn cynnig ystod o wasanaethau sy’n cynnwys amddiffyn, cefnogi, cyngor a gwybodaeth i blant ag anableddau dysgu, corfforol a synhwyraidd, a hefyd ADHD ac Anhwylderau Sbectrwm Awtistiaeth. Mae’r tîm yn dîm aml-asiantaeth sy’n cynnwys gweithwyr cymdeithasol, gweithwyr cludo, ymwelydd iechyd arbenigol, a nyrs gymunedol a staff cynnal.
   
• Tîm Plant sy’n Derbyn Gofal
   
  Mae’r Tîm Plant sy’n Derbyn Gofal yn darparu cefnogaeth a gwasanaethau i blant sydd naill ai yng ngofal yr awdurdod lleol neu sydd wedi’u lleoli i’w mabwysiadu. Mae’r tîm yn gweithio gyda’r plant, eu gofalwyr a’u teuluoedd i sicrhau’r trefniadau gorau i ateb anghenion y plant.
   

Adolygu a Sicrhau Ansawdd

• Panel Cyfeirio ac Adnoddau
   
  Mae’r Panel Cyfeirio ac Adnoddau’n cydweddu anghenion plant ag adnoddau’r Gwasanaethau Plant, er mwyn sicrhau mynediad i bob math o gefnogaeth deuluol ac adnoddau cymunedol cyn i blant fynd i sefyllfa o dderbyn gofal neu’n cael eu symud i leoliadau allanol.
   
• Gwasanaeth Cynadledda ac Adolygu
   
  Mae’r Gwasanaeth Cynadledda ac Adolygu yn gyfrifol am gynnull a chadeirio adolygiadau statudol ar gyfer plant a phobl ifanc sy’n derbyn gofal, a Chynadleddau Amddiffyn Plant aml-asiantaeth. Mae’r Bartneriaeth Plant sy’n Derbyn Gofal a Phlant a Fabwysiedir wedi’i lleoli yn y gwasanaeth, ac yn cynnwys y Gwasanaethau Cymdeithasol, Gwasanaeth Iechyd Meddwl Plant a’r Glasoed, proffesiynolion Addysg, ac mae’n gweithio ar y cyd i wella gobeithion bywyd plant a phobl ifanc sy’n derbyn gofal gan y Cyngor
   
• Paneli Mabwysiadu a Maethu
   
  Mae’r Panel Mabwysiadu yn gyfrifol am wneud argymhellion ynghylch a yw pobl yn addas i ddod yn rhieni mabwysiadol, a yw mabwysiadu er budd gorau’r plentyn, a chydweddu plant â mabwysiadwyr. Mae’n cynnwys proffesiynolion ac aelodau annibynnol fel ei gilydd.
   
  Mae’r Panel Maethu yn gyfrifol am wneud argymhellion ynghylch a yw pobl yn addas i ddod yn rheini maeth ac yn adolygu statws cymeradwyaeth gofalwyr maeth.
   
• Archwilio a Sicrhau Ansawdd
   
  Mae hyn yn cynnwys adolygu a chraffu arfer mewn achosion unigol, monitro ffocws, dull cyflwyno ac effeithiolrwydd gwasanaethau a gaiff eu contractio, i sicrhau’r arfer gorau a chydymffurfiaeth â statud a rheoliadau.
   
• Pwyllgor Amddiffyn Plant yr Ardal / Trefniadau Amddiffyn Plant Cyhoeddus Aml-asiantaeth
   
  Mae Pwyllgor Amddiffyn Plant Ardal Castell-nedd Port Talbot yn fforwm rhyngasiantaeth, sy’n cynnwys cynrychiolwyr o bob un o’r prif asiantaethau sy’n gyfrifol am helpu i amddiffyn plant rhag camdriniaeth ac esgeulustod. Mae’n gyfrifol am gytuno sut mae gwasanaethau a phroffesiynolion gwahanol yn gweithio gyda’i gilydd i ddiogelu plant yn y Fwrdeistref Sirol a sicrhau eu bod yn gweithio ar y cyd i esgor ar ganlyniadau da i blant.
   
• Mae Trefniadau Amddiffyn Cyhoeddus Aml-asiantaeth yn canolbwyntio ar reoli troseddwyr peryglus mor ddiogel â phosibl yn y gymuned.

Hillside

• Mae Hillside yn Gartref Diogel i Blant sy’n darparu gofal, addysg, iechyd a mewnbwn therapiwtig o ansawdd uchel i blant a phobl ifanc rhwng 12 a 17 oed sydd wedi’u lleoli gan Awdurdodau Lleol drwy’r Llysoedd.

---