Llyfrgelloedd
Croeso i Wasanaeth Llyfrgell a Gwybodaeth Castell-nedd Port
Talbot
Bellach mae llyfrgelloedd yn cynnig rhywbeth i bawb, llyfrau,
gwybodaeth, cerddoriaeth, ffilmiau a chyfrifiaduron, gyda mynediad
am ddim i'r Rhyngrwyd a gwasanaethau eraill ar lein.
Mae Gwasanaeth Llyfrgell a Gwybodaeth Castell-nedd Port Talbot
yn darparu ystod o wasanaethau i'r gymuned leol drwy'r rhwydwaith o
18 llyfrgell a 2 lyfrgell deithiol.
Mae'r prif lyfrgelloedd yng Nghastell-nedd, Port
Talbot a Pontardawe.
Llyfrgelloedd Castell nedd Port Talbot yng Ngŵyl
Pontardawe
Ymunwch â ni yng Ngŵyl
Pontardawe am dri diwrnod llawn hwyl ar y maes wrth i ni
gyflwyno straeon a rhigymau gan Owen Staton, Storïwr yr Ŵyl, a
Brian Smith, Bardd yr Ŵyl.
Dydd Gwener 15 Awst at 7:00
Bydd Phil Carradice yn ymuno â Brian Smith, Bardd yr Ŵyl, i fwrw
golwg goeglyd a doniol ar fywyd drwy rythm ac odl.
Dydd Sadwrn 16 Awst 1:00 – 1:30 & 2:00 – 2:30
Bydd Owen
Staton, Storïwr yr Ŵyl, yn perfformio rhai o'i hoff straeon o Gymru
yn ystod y prynhawn. Peidiwch â cholli straeon a dramâu Owen am
Gymru.
Dydd Sul 17 Awst – Trwy’r dydd
Ymunwch â ni ar y maes am mwy hwyl.
Dros gyfnod o dri diwrnod, bydd stondin lyfrau, gweithgareddau i
blant a gwybodaeth am eich llyfrgell.
Mynediad am ddim wedi i chi gyrraedd y maes.
Blwyddyn Darllen Genedlaethol
Eleni mae Diwrnod
y Llyfr hyd yn oed yn fwy arwyddocaol am ei fod yn lansio'r
Flwyddyn Ddarllen Genedlaethol yng Nghastell-nedd Port Talbot. Yn
ystod y flwyddyn, bydd rhai o awduron mwyaf poblogaidd y wlad yn
cymryd rhan mewn digwyddiadau. Bydd awduron megis Catrin Collier, Bernard Knight, Lionel Fanthorpe, Jasper Fforde, Michael Jecks, Mavis Nicholson ac Andrew Taylor i gyd yn ymweld â
llyfrgelloedd yn ystod y misoedd nesaf. Cadwch lygad allan am
ddigwyddiad Cwrdd â'r Awdur yn eich llyfrgell.
Yng Ngŵyl Margam ar 13 Gorffennaf, cynhelir diwrnod nodwedd i
ddarllenwyr a fydd yn cynnwys prif ddigwyddiad Gwobr Dylan Thomas a
nifer o awduron adnabyddus.
Bydd pabell llyfrgelloedd eto eleni yng Ngŵyl Pontardawe, 15 - 17 Awst, a
fydd yn cynnwys sesiynau adrodd storïau gwych, barddoniaeth
berfformiad a llawer, llawer mwy.
Bydd y Flwyddyn Ddarllen Genedlaethol yn un rhyfeddol yng
Nghastell-nedd Port Talbot